الاب
يوليدي اعرف بيك عاشك واعذرك
ومن تطخ الراس من حكي احذرك
...الابن
يابوية اظل للدوم عد حسن ضنــــــــــك
شمعة على درب الشوك كل كلمة منك
الاب
يوليدي درب الشوك گبلك مشيتة
سهلة بدمـــع تبجي بالدم بجيتة
الابن
يابوية عد عيناك بس كلي هسة
انسة الأحبها تريد وعيونك انسة
الاب
لا يبني كلبي ارتاح وتدلل وحــــب
بس اظن هم يفيد حجي المجرب
الابن
انة اشكر الله هواي مثلك ابو أيصير
بطيبة وكلب فرحان ينصحني ويشير
الاب
يوليدي اريدك دوم تندل طريقــــــــــك
واحسبني من هاليوم بالحب صديقك
...